مصر بتتبهدل بيهم

مصر بتتبهدل بيهم
أحلف بسماها وبترابها...حزب مبارك اللى خرابها

تأملت كثيرا ذلك الشعار الذر رفعه مؤامرة حزب مبارك المسمى مؤتمر الحزب الوطنى
وانا أؤكد أنه ليس مؤتمرا للحوار والنقاش والوصول الى حلول لمشاكل تسبب فيها أغبياء هذا الحزب لطمعهم و فسادهم. 0
وأقول حزب مبارك وليس الحزب الوطنى فهو لا وطنى ولا يحزنون،ولكنه شلة منتفعين وفاسدين وحرامية وأنا رأى الشخصى أنه لو حتى ملك من السماء دخل هذا الحزب لابد أن يتحول الى شيطان فاسد، ثم أنه حزب فقط لمبارك وابن مبارك وآل مبارك.
المهم هذا النيو لوك الجديد الذى رفعوه (بلدنا بتتقدم بينا) بصراحة غاظنى اوى اوى ليه؟؟؟؟؟؟؟؟!!!!!0 حد يقول لى بأمارة ايه البلد بتتقدم بيهم؟؟؟
طيب أقول أنا؟ مش عارف أبدأ منين ولا منين...0
نبدأ من اللى ماتوا غرقانين فى تحطيم الطيارة المصرية على شواطىء ماما أمريكا0
ولا غرقانين فى العبارة سالم اكسبريس 0
ولا غرقانين فى عبارة ممدوح اسماعيل عضو مجلس الشورى المعين عن دايرة مبارك 0
ولا غرقانين فى قوارب الموت هربا من حزب مبارك وبحثا عن لقمة عيش فى اى مكان بعيد عنهم0
ولا الى ماتوا محروقين فى قطار الصعيد البائس. 0
ولا محروقين فى قطار بنها وقليوب. 0
ولا محروقين فى قصر ثقافة بنى سويف. 0
ولا اللى ماتوا مسرطنين بمبيدات يوسف والى اللئيم 0
ولا ماتوا بالفشل الكلوى والكبدى من تلوث الماء والطعام 0
ولا اللى ماتوا من قلة الدواء 0
ولا اللى ماتوا من الجوع والحرمان؟
طيب اللى ماتوا يمكن يكونوا ارتاحوا من مبارك وحزبه... ايه بقه ذنب الاحياء؟!!! 0
نتكلم عن ايه ولا ايه؟

عن الظلم ولا الفساد ولا التزوير0

ولا تكميم الافواه ولا كبت الحريات0

ولا التعذيب والموت فى اقسام الشرطة وامن الدولة0

ولاالمحاكمات العسكرية ومهازلها0

ولا خطف الطلاب من الجامعة والبلطجة فى الجامعة0

ولا صفر المونديال ولا صفر الجامعات0

ولا سرقة الآثار ولا نهب القطاع العام0

ولا البطالة والبلطجة0

ولا الرشوة والمحسوبية 0

ولا ماء وهواء ودواء وطعام ملوث0

ولا اعلام فاضح وصحافة مأجورة بيسموها قومية0

ولا شيخ أزعرهم ومفتيهم الهمام 0

وكل دا كوم وظهور الباشوات فى الاعلام كوم لوحده وخاصة وهم بيكذبوا كذب مفضوح

وبعد دا كله يقولوا بلدهم بتتقدم بيهم!!!!!!!!!!!0

جاتكم خيبة روحوا اتنيلوا.0

تحياتى