صورة ارشيفية لكن المنظر دا اتكرر عندنا اليوممن أجل عيون ساويرس برج الموبايل داخل نقطة الشرطة
وبلد كلها محاصرة
مش عارف ابدا الحكاية منين؟
هابدأ بصلتى الشخصية مع الموضوع
وانا على النت اليوم باكتب تعليق على موضوع بطة بتاع طلاب الجامعة قبل صلاة الجمعة بحوالى ساعة ونص
جالى تليفون من تركيا...... اه والله من تركيا
رديت فاذا به عضو مجلس الشعب عن دايرتنا
اللى صورته موجودة فى المدونة
ايه الموضوع؟؟؟ قال لى الأمن اتصل بيه( لأن تليفونه دولى فاتصلوا على رقمه العادى) وهو رد
قاله المصدر الامنى ان الدكتور عبد الخالق زهران ( انا يعنى) بيهيج الناس كلها فى البلد باسمك وعاوز يعمل مظاهرة بعد الجمعة...
(يا خبر ابيض!!!أنا مش خايف.. لكن كل دا تلفيق؟؟؟؟؟0)
علشان بيتعمل برج موبايل فى البلد
نكمل الموضوع ونرجع لحكاية البرج
انا قولت للنائب مفيش حاجة من دى حصلت
وانا مش اتكلمت فى موضوع البرج دا خالص
لكن واحد كبير من فاسدين الحزب الوطنى كلم واحد صاحبى امبارح وقاله الاخوان هيعملوا حاجة لمقاومة البرج قاله معرفش
وان الراجل دا بيعمل قلق فى البلد ويتصل دايما بالامن يشتكى اى حد
وانتهت المكالمة وقلت البس واجهز جايز ضيوف الليل ييجوا بالنهار
الحمد لله محدش جه والجمعة قربت ورحت المسجد للصلاة
دخلت المسجد بعد شوية لقيت المأمور ونائب المأ/ور وشوية مخبرين دخلوا المسجد
وعلى فكرة المسجد دا بعيد عن مكان البرج لكن انا دايما باصلى فيه واحيانا باتكلم بعد الصلاة فى الميكرفون لو فيه امر عام فى البلد
طبعا عرفت ان البشوات متوصيين يصلوا معايا علشان يمسكونى متلبس
انا ضحكت عليهم ومعملتش حاجة واصلا مكنتش هاعمل حاجة
خلصت الصلاة وانا خرجت من المسجد هم اطمنوا ركبوا العربية ولموا رجالتهم ومشوا
قلت اتصل بحد جنب البرج اعرف ايه الحكاية
قال لى المكان محاصر بسيارات وعساكر الامن
وكمان ايه العساكر فى حالة انتشار
يعنى واقفين صفوف ورافعين البنادق و العصى
رجل بسيط سالهم هى اسرائيل جاية هنا؟؟؟
قالوا لا الاخوان اللى جايين هنا ههههههههههه
واحد صاحبى سال مخبر ايه الحكاية؟
قاله ناس من الحزب الوطنى قالوا ان الاخوان هيعملوا مظاهرة كبيرة ولازم تجيبوا الامن
دى كانت حكاية الامن
اما حكاية البرج باختصار
ان شركة موبينيل حبت تعمل برج تقوية فى بلدنا
وكل ما يختاروا مكان الناس تعملهم مشكلة وتطردهم منه
طبعا الناس بتخاف من الكلام اللى بيتقال عن الابراج دى
الكلام دا حصل 3 مرات والموضوع انتهى
لكن فوجئنا من يومين ان فى قوة امن زايدة موجودة حول نقطة الشرطة وناس بتحفر وتشتغل جوة سور النقطة
الناس فكرت دا بناء عادى فى النقطة
وبعدها عرفوا انه برج الموبايل
طبعا الناس اصلا بتخاف تروح جنب نقطة الشرطة مش معقول هيتظاهروا هناك
الغريب والسؤال المحير اشمعنا البرج يتعمل جوة نقطة الشرطة وبحراسة امنية مشددة وارهاب امنى للاهالى
وهل دا له علاقة بالوضع الجديد لساويرس كعضو فى الهيئة العليا للحزب الوطنى
ولا دى مكافأة لهجومه على الحجاب والاسلاميين
ولا برضه رشاوى وبلاوى وفساد؟؟؟؟؟؟؟؟؟؟؟؟؟؟؟؟
21 comments:
خد بالك من نفسك يا دكتور وربنا يعمى عيونهم عنك
ونجيب ساويرس حب يعمل البرج فى نقطه الشرطه علشان يقولكو شوفو انا عملت فين علشان تعرفو انى لما احب اعمل اى حاجه هعملها حتى لو قى قسم الشرطه هههههههه
دا حضرتك طلعت خطير قوي يادكتور
من غير ماتدري ولاتعرف
هو الامن ده ماوراهوش شغلانة غير معرفة المظاهرات امتي وهيحلها ويفركشها ازاي
والقبض علي منظمييها ولا ايه
اما بالنسبة لبرج الموبايل
فواضح فعلا انه نفوذ ساويرس الذي لاحدود له
يقول الي عايزه
وبرده يعمل الي عايزه
والي عاوز يعمل حاجة ولايحتج او حتي يفكر
المأمر ونايبه هيتولي الموضوع
حمدلله علي سلامتك يادكتور
ويعيشوا وياخدوا غيرها
حمداً لله على سلامتك يا دكتور
الاخت الفاضلة لولا
نسال الله ان يحفظنا جميعا
هو فعلا ساويرس بيعمل اللى عاوزه فى اى وقت واى مكان لان فى الظلام فقط تنشط الخفافيش
الاستاذة بطة بنت الاسلام العظيمة
والله ولا خطير ولا حاجة انا غلبااااااااااان
بس قوى بربنا ودينى ودعوتى
والمشكلة ان كل المسئولين عندنا عبد المأمور مع ان المامور نفسه لا يملك قراره
علشان كدة كلهم اصبحوا عبيد الظلم والفساد والعياذ بالله
اخى المهندس المصرى
اتمنى التعرف والتواصل مع حضرتك مدونتك رائعة
كلنا قرفانين من اوضاع الفساد لكن كلنا زيك هنفضل نحب مصر ومش هنبطل نحبها
وافتكر قول قديم
(كما تحب الام وليدها المعوق...احبك حبيبتى بلادى)
اخى الفاضل الغالى
د/عبد الخالق
كل الشكر لك على تواصلك وان كنت اتمنى ان تاخذ الشعار من اعلى المدونة هو موجود به الرابط اعمله كوبى وضعه فى المدونة باست هيشتغل ان شاء الله
واتمنى ان نلتقى يوم الخميس فى نقابة الاطباء بالمنصورةالثالثة والتصف
دكتور عبد الخالق
ساويرس مش رمز منفرد هو بيمثل كل شريحة رجال الاعمال من اصدقاء جمال مبارك
واعن سبب انشاء المحطة داخل النقطة ممكن تكون مكافأة فعلا بس مش عشان موضوع الحجاب بس
يمكن عشان تصريحه عن جمال مبارك وانه ماعندوش مشكلة فى تولى جمال الرئاسة بعد عمر طويل جداااااا يعنى
مدونة متميزة
تحية طيبة
الاستاذ حسن اتحاد المدونين المصريين
ان شاء الله هاكون موجود فى الموعد بالمنصورة اما عن الرابط فالبلوج سبوت مش بيتنسق بطرقة قص ولزق لكن انا اتصرفت وعملتها عن طريق html
الاخت الفاضلة سارة (عشانك يا مصر
اتفق معكى تمما ان ساويرس ليس فرد ولكنها اصبحت ظاهرة بين كل رجال اعمال لجنة السياسات الذين يمتصون دم هذا الشعب المسكين مثل مصاصى الدماء
المشكلة ان الراجل دا بيلعب كمان بورقة الاقباط والمواطنة يعنى بيضرب مصر فى مقثل
ربنا يحمى مصر واهلها المخلصين
وينتقم من الفاسدين الظالمين
على فكرة يادكتور زهران
الحكاية دى تكررت عندنا
فى احد القرى التابعة لنا
واحتشد الناس والامن
وحاولوا ان يبحثوا عمن يهيج الناس
وظنوا انهم من الاخوان
واستطاع الاهالى ان ينتصروا
وتمت ازالة البرج
بعد مظاهرات
واضرابات الطلاب عن الذهاب للمدارس
اخى وحبيبى سعدت جدا بزيارة مدونتك الرائعة وارجوا ان تشرفنى بالزيارة
على مدونتى صيحة حق
معتحياتى
صلاح شنان
نعم يا دكتور
فالبلد اصبحت ملكهم يفعلون فيها ما يحلوا لهم
ولاكن ان شاء الله ان بعد العسر
يســــــــــــــرى
جــــاهد يا دكتور واحنا معال
جاهد بالكلمة الا حد يفهمنى غلط
تحيااااااااتى
أهلاً يا دكتور
أنا أعرف قرية الرياض عندما تم تطبيق قانون نزع الأراضي من الفلاحين المستأجرين
كنت أود الكتابة عن موضوع البرج داخل قسم الشرطة
خليل أبو شادي
جريدة البديل
0124645921
دكتور
لامؤاخذه
فكك منهم
و من ساويرس
بس جديدة حكاية الحزب الوطنى و ساويرس دى
استرها يارب
الاخ المتحمس دائما محمد جمعة
ربنا يبارك فيك
اننا نجاهد بالكلمة والموعظة الحسنه
وبكل السبل المشروعة والله المستعان
الاستاذ صلاح شنان
تشرفنا بزيارة حضرتك للمدونة
طالما هناك من يقول لا فستنتصر ارادة الشعب لا محالة المهم كيف ومتى ولما نقول لا
الاستاذ خليل ابو شادى جريدة البديل
والله الصحافة نورت المدونة المتواضعة
والبلد اخى الكريم مفتوحة لكل صحفى حر ياتى ليشاهد بنفسه ويستمع الى الناس ويكتب ما يمليه ضميره
الاخ الحبيب جمعاوى
مش هاقول روش طحن لانى مش متعود على مصطلحات الجيل دا
المشكلة لو كل واحد فك من هيقف ويقول لا للفساد
ثانيا حكاية ساويرس والحزن الوطنى تزداد كل يوم لانها اصبحت زواج كاثوليكى
اخر معلومة ان شركة ساويرس راحت تبنى برج داخل مستشفى شها دقهلية
عرفت بقه علاقة ساويرس بالحزب بتعمل ايه؟؟
حسبنا الله ونعم الوكيل فى كل من يحاول تعكير صفو وطننا الحبيب
وباذن الله سياتى اليوم الذى تتحرر فيه بلادنا من كل خائن جبان يحاول ويساعد فى تاخير بلادنا
ونقول لهم ان دولة الظلم ساعه ودولة الحق الى قيام الساعه
يادكتور احنا بنحيك على جراتك لكن عاوزه اقول لحضرتك ان حضرتك لك اولادك وعيادتك وشهرتك الكويسه وحضرتك اخترت انك تدرس طب فالمفروض انك تتقن فى عملك احسن والسياسه والمقاومه دى تسبها للمسئولين عنها وعنا يعنى المفروض اللى احنا انتخبناهم عن دايرتنا كانوا يعملوا حاجه لكن انا شيفه الايادى مكتوفه ويوم مانعمل مظاهرات ولا حاجه بناخد منها ايه غير ان اسمك بيتحط فى امن الدوله وكل مايحصل حاجه يمسكوا الاخوان وحتى لو مش عامل حاجه وحضرتك لو عاوز تخدم وطنك ودينك فباتقان العمل واحنا ياما عملنا مظاهرات علشان غلاء الاسعار ومصاريف جامعه المنصوره ؟؟؟؟؟؟؟ ولا حاجه حصلت فانت كانك بتكلم اصنام مش بشر فانت خلى بالك من نفسك وشغلك وبيتك احسن وسيب الحاجات دى للى احنا رشحناهم ومشفناش حاجه اتعملت من يومها
يعني هو بكس امكم موبينيل بس الي بتعمل محطات تقوية ما فودافون بتعمل و اتصالات كمان ولا يعني ياولاد الشرموطة يا اخوان عشان الراجل قالكم كس امكم فوشكم محروقين منة ومش عارفين تحاربوة اذاي اتشطرو وشوفو الكلب خيرت الشاطر مرمي في السجن متورنا رجولتكم و تخرجوة ولا انتو مش فلاحين غير فسب الشرفاء يا شوية ملتحين افاقين
كس ام الأخوان علي كس ام الكام ابن شرموطة كتب و علق في مدونة الشارميط دي علي كس ام كل واحدة بنت وسخة قعدت تتحفنا بتعليقاتها الي متدلش غير علي انها عانس فاتها قطر الجواز ومش لاقية دكر يركبها غير شوية الشيوخ الي هنا و عندهم ضعف جنسي و مقدينها افلام سكس علي بنت متناكة بوشين
كس أمين أمك ياللي مبتشطفوش غير كل سنة ببول شنودة بتاعكم وخليه ينيكك انت وأهلك عشان يغفرلكو يارمم
Post a Comment